ലുഡ്വിഗ്സ്ഹാഫന്‍: മലങ്കരസഭയുടെ കാവല്‍പിതാവും പ്രഥമപ്രഖ്യാപിത പരിശുദ്ധനുമായ മാര്‍ ഗ്രീഗോറിയോസ് തിരുമേനിയുടെ 122 ാം ഓര്‍മ്മപെരുന്നാള്‍ ജര്‍മനിയിലെ ഇന്‍ഡ്യന്‍ ഓര്‍ത്തഡോക്സ് സഭ ഹൈഡല്‍ബര്‍ഗ്, മാന്‍ഹൈം, ലുഡ്വിഗ്സ്ഹാഫന്‍ ഇടവകയുടെ ആഭിമുഖ്യത്തില്‍ നവംബര്‍ 2 ന് (ശനി) ലുഡ്വിഗ്സ്ഹാഫന്‍, ഓഗേഴ്സ്ഹൈം മരിയ അസംപ്ഷന്‍ തീര്‍ത്ഥാടന പള്ളിയില്‍ ( Whalfahrt Kirche Mariahimmelfahrt,67071) രാവിലെ 9 മണിയ്ക്ക് വി.കുര്‍ബാനയോടുകൂടി ആരംഭിയ്ക്കും. ഫാ.ആഷു അലക്സാണ്ടര്‍ മട്ടയ്ക്കല്‍ വിശുദ്ധ കര്‍മ്മങ്ങള്‍ക്ക് നേതൃത്വം നല്‍കും.
പെരുന്നാള്‍ ദിനം പ്രഭാതനമസ്കാരവും തുടര്‍ന്ന് ആഘോഷമായ വിശുദ്ധ കുര്‍ബാനയും, രോഗികള്‍ക്കും വാങ്ങിപ്പോയവര്‍ക്കും വേണ്ടി പ്രത്യേകം മധ്യസ്ഥ പ്രാര്‍ത്ഥനയും, ഉണ്ടായിരിക്കും. 34ാം വര്‍ഷം പിന്നിടുന്ന പെരുന്നാളിന്റെ ആത്മീയ ശുശ്രൂഷകളില്‍ പങ്കുചേര്‍ന്ന് വിശുദ്ധന്റെ മദ്ധ്യസ്ഥതയാല്‍ അനുഗ്രഹങ്ങള്‍ പ്രാപിക്കുവാന്‍ ഏവരെയും സ്നേഹപൂര്‍വം ക്ഷണിയ്ക്കുന്നതായി കമ്മറ്റി അറിയിച്ചു.
വിവരങ്ങള്‍ക്ക് :
Renju Kochunni 015510200874,
Krubin Abraham015175731199.
Comments: