ലിവര്‍പൂള്‍ മലയാളി കള്‍ച്ചറല്‍ അസോസിയേഷന് പുതിയ സാരഥികള്‍

ലിവര്‍പൂള്‍: ലിവര്‍പൂള്‍ മലയാളി കള്‍ച്ചറല്‍ അസോസിയേഷന്‍ (ലിംക) പുതിയ ഭാരവാഹികളെ തെരഞ്ഞെടുത്തു. 2025 ~ 26 പ്രവര്‍ത്തന കാലഘട്ടത്തേക്കുള്ള ഭരണസമിതിയെ ഫെബ്രുവരി 22 ന് വെസ്ററ് ഡര്‍ബി ഓര്‍ത്തഡോക്സ് ചര്‍ച്ച് പാരീഷ് ഹാളില്‍ ചേര്‍ന്ന പൊതുയോഗത്തില്‍ ഐക്യകണ്ഠേന തിരഞ്ഞെടുക്കുകയായിരുന്നു. വര്‍ഷങ്ങളുടെ പാരമ്പര്യമുള്ള ലിവര്‍പൂള്‍ മലയാളി കള്‍ച്ചറല്‍ അസോസിയേഷന്‍ (ലിംക) പ്രവാസി മലയാളികളുടെ ക്ഷേമ~ ഐശ്വര്യത്തിനു വേണ്ടി പ്രവര്‍ത്തിക്കുന്ന പ്രമുഖ സംഘടനയാണ്.

ഭാരവാഹികള്‍ ഇവര്‍:

ജേക്കബ് വര്‍ഗീസ് (ചെയര്‍ പേഴ്സണ്‍), റീന ബിനു (സെക്രട്ടറി), അന്‍സി സ്കറിയ (ട്രഷറര്‍), ബിനു മൈലപ്ര (പി ആര്‍ ഒ), ഡോ. ശ്രീഭ രാജേഷ് ( വൈസ് ചെയര്‍), വിബിന്‍ വര്‍ഗീസ് (ജോ.സെക്രട്ടറി) , മനോജ് വടക്കേടത്ത് (ജോ.ട്രഷറര്‍).

തമ്പി ജോസ്, ബിജു പീറ്റര്‍, രാജി മാത്യു, തോമസ് ഫിലിപ്പ്, ചാക്കോച്ചന്‍ മത്തായി, ഡ്യൂയി ഫിലിപ്പ്, ലിബി തോമസ്, റാണി ജേക്കബ്, ജിസ്മി നിതിന്‍, ദീപ്തി ജയകൃഷ്ണന്‍, ഷിനു മത്തായി, ബിനോജ് ബേബി, നിധീഷ് സോമന്‍, സജിത്ത് തോമസ്, ജയ്ജു ജോസഫ്, അനില്‍ ജോര്‍ജ്ജ് എന്നിവര്‍ എക്സിക്യൂട്ടിവ് അംഗങ്ങളാണ്. പ്രവര്‍ത്തന കാലഘട്ടത്തെ സമഗ്രമായ പ്രവാസി ജനകീയ പദ്ധതികളും സെപ്തംബറില്‍ നടക്കുന്ന ഓണപ്പരിപ്പാടിയും വരും വര്‍ഷത്തെ പുതുവത്സര ആഘോഷവും ലികയുടെ പ്രധാന ലക്ഷ്യങ്ങളാണന്ന് ഭാരവാഹികള്‍ പ്രസ്താവിച്ചു.