ഓള്‍ വീ ഇമാജന്‍ ആസ് ലൈറ്റിന്റെ സംവിധായിക പായല്‍ കപാഡിയയും പ്രധാന കഥാപാത്രങ്ങളെ അവതരിപ്പിച്ച മലയാളികളായ കനി കുസൃതിയും ദിവ്യപ്രഭയും മറ്റ് അണിയറ പ്രവര്‍ത്തകരും ചേര്‍ന്ന് ഗ്രാന്‍പ്രീ അവാര്‍ഡ് ഏറ്റുവാങ്ങി.
മുപ്പതു വര്‍ഷത്തിനു ശേഷമാണ് ഒരു ഇന്ത്യന്‍ സിനിമ കാന്‍സിലെ മത്സര വിഭാഗത്തില്‍ പ്രദര്‍ശിപ്പിക്കുന്നത്. ഷാജി എന്‍. കരുണ്‍ സംവിധാനം ചെയ്ത സ്വം ആയിരുന്നു മൂന്നു പതിറ്റാണ്ടു മുന്‍പ് പ്രദര്‍ശിപ്പിച്ചത്. ഇന്ത്യന്‍ വനിത സംവിധാനം ചെയ്ത ഒരു സിനിമ മത്സരവിഭാഗത്തിലെത്തുന്നത് ഇതാദ്യം.
മുംബൈയില്‍ ജോലി ചെയ്യുന്ന രണ്ട് നഴ്സുമാരുടെ കഥയാണ് ഓള്‍ വി ഇമാജിന്‍ ആസ് ലൈറ്റ് പറയുന്നത്. ഛായ കദം, ഹൃദു ഹാറൂണ്‍ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.
Comments: